झमत यंग गुरु जी के, जियरा हमार हो ॥
गुरु जी के किरपा से, भागल अन्हरिया हो।
अंदर में लउके लागल, अब तो अंजोरिया हो।
नाचे ला खुश हो के, जियरा हमार हो ॥
झूमत संग गुरु जी के …
घट ही में बाजे अब त, अनहद बधईया हो।
गुरु जी संभाले हमरी, जिनगी के नईया हो ॥
थिरके मगन होके, जियरा हमार हो ॥
झूमत संग गुरु जी के …
भटकत दुविधा में, हमरी जिनगिया रहे।
झूठी बजरिया में, बंधक जिनगिया रहे ॥
झट से गुरु जी हमके, लिहनी छुड़ाय हो ॥
झूमत संग गुरु जी के …
सबहीं के जायेके बा, सबहीं बटोहिया हो।
सतगुरु बिना ना मिली, जिनगी के रहिया हो ॥
गुरु जी देखवलीं, डगरिया हमार हो ॥
झूमत संग गुरु जी के …
जिंदगी हमार अब त, राऊर धरोहर गुरु जी।
हिया में बसल छवि, राऊर मनोहर गुरु जी ॥
रहे लागल रउरे में, सुरतिया हमार हो ॥
झूमत संग गुरु जी के …
